Pa lejen e Vanessa Bryant, në rrjet nisën të shpërndahen foto të aksidentit me helikopter të Kobe dhe vajzës së tyre Gianna, si dhe autopsia e trupave.
Ky veprim ka qenë tepër shqetësues për partneren e basketbollistit dhe fëmijët e tyre.
Vanessa ka rrëfyer se ka vazhdimisht atake paniku që kur pamjet u morën dhe u shpërndanë pa leje.
“Dilja nga shtëpia dhe vrapoja të shkoja nga ana tjetër e saj vetëm që vajzat e mia të mos më shihnin në atë gjendje. Doja të vrapoja dhe vetëm të ulërisja. Nuk dua t’i shoh kurrë ato pamje. Dua ta kujtoj tim shoq dhe vajzën time siç ishin kur ishin këtu.”- ka rrëfyer ajo.
Ndaj, ajo kërkoi miliona dollarë për dëmin emocional që i shkaktoi shpërndarja e pamjeve. E dini sa mori si dëmshpërblim? 16 milion dollarë.
Bryant shpërtheu në lot kur u shpall vendimi. Ajo u ngushëllua nga vajza e saj Natalia, teksa falenderoi jurinë për këtë vendim.
Juria zbuloi se zëvendësit e sherifit dhe zjarrfikësit, të cilët nxituan në skenën e goditjes së janarit 2020, shkrepën në mënyrë të paligjshme fotografi të aksidentit, duke përfshirë mbetjet e shkatërruara të trupit të legjendës së Los Angeles Lakers dhe vajzës së tij të vogël.
