Lejojeni George Clooney t’ju tregojë historinë e plotë të dashurisë së tij dhe Amal Clooney, siç bëri me hollësi “The Hollywood Reporter” këtë javë. Gjatë një viti e dy muaj ata u takuan, u dashuruan, u fejuan dhe u martuan.
E gjitha nisi në korrik të 2013-s, kur avokatja e të drejtave të njeriut, Amal Alamuddin, ishte në Liqenin e Como-s, Itali, duke kaluar në rrugën drejt Kanës me një mik të përbashkët. Kjo ishte koha kur ajo dhe George u mblodhën bashkë në një darkë.
“Mendova se ishte e bukur, zbavitëse dhe padyshim e zgjuar. Unë nuk e di çfarë mendoi ajo për mua. Ajo ndoshta mendoi se isha i vjetër. Më pas më dërgoi disa fotografi nga dita kur ishim atje dhe nisëm t’i shkruanim njëri-tjetrit, të flisnim kryesisht për atë që po ndodhte me jetët e njëri-tjetrit dhe për një periudhë kohe u bë e qartë, se ishim më shumë se vetëm miq”, u shpreh George.
Më pas ai tregoi se si ndodhi takimi i parë:
“Shkoi shumë mirë. Ikëm për darkë dhe ajo më tha të shkonim në një vend shumë elegant. Dhe kur dolëm kishte më shumë se 50 paparacë jashtë. Por ajo e përballoi atë moment si një kampione dhe gjërat u përshpejtuan kur isha në Londër.
Në shkurt të 2014-s, ai e kuptoi që ajo ishte e duhura. I tregoi mikut të ngushtë një foto të saj duke buzëqeshur me gjirafat dhe i tha, “mendoj se do t’i kërkoj dorën”.
Ai i propozoi për fejesë vetëm pas 6 muajsh lidhje. Dhe George kishte një shqetësim se ndoshta ishte shumë herët.
“Dashuri të ndryshon në çdo mënyrë. Papritur, jeta e personit tjetër bëhet më e rëndësishme se sa e jotja. Më vjen keq që isha 50 e ca vjeç kur kjo ndodhi, por vetëm sepse do të mund të kisha kaluar më shumë kohë me të”.
“Me një shampanjë pas darkës, i thashë se kishte një çakmak për të ndezur qiriun në sirtar, ajo shkoi ta hapte dhe aty nxori unazën. Ja mora unazën, u ula në gjunjë dhe bëra të gjitha ato që duheshin bërë…Nuk po i tregoj të gjitha, por mbeta 20 minuta në gjunjë duke pritur që Amal që thoshte “Po”, ajo ndihej kaq e emocionuar, sepse nuk e priste në atë moment, edhe pse dashuria jonë tashmë kuptohej dhe dallohej”, tregon aktori.
Çifti u martua në vitin 2014, me një ceremoni fantastike në Itali ku morën pjesë të gjithë miqtë e tyre të famshëm. Tashmë të dy po kujdesen për të rritur Ella dhe Alex, binjakët që shtuan familjen Clooney.
Burimi: Elle
