Nuk ndodhi aksidentalisht që Jackie Kennedy u bë një ikonë stili. Ish-Zonja e Parë e Shteteve të Bashkuara të Amerikës kujdesej për veshjet e saj në çdo centimetër, ose për të qenë preciz, në çdo milimetër.
Në librin dedikuar saj, “Jackie’s Girl: My Life with the Kennedy Family”, shkruar nga asistentja e saj, zbulohen detaje që tregojnë edhe njëherë kapriçiot e Kennedy kur vinte puna tek veshja.
Nga viti 1964-1977, Kathy McKeon jetoi me Kennedy-t dhe ishte përgjegjëse për gardërobën e shefes së saj.
“Gardëroba ishte një dhomë më vete dhe të gjitha rrobat e Madamës ishin të renditura sipas ngjyrave. Nuk kisha parë kurrë një koleksion aq mahnitës këpucësh”, shkruan McKeon.
Por e veçanta më e madhe ndodhej tek sholla e këpucëve.
“Pjesa më intriguese për mua ishte zgjatimi prej 5 milimetër i njërës takë, sepse njëra këmbë ishte pak më e shkurtër se tjetra. Kush do ta kishte menduar?”, tregon McKeon detajin e pazakontë tek Jackie Kennedy
Nga të gjithë adhuruesit dhe njerëzit që kanë studiuar jetën e Jackie-t, kjo është hera e parë që zbulohet një detaj si ky. 5 milimetra janë thuajse të papërfillshme, por habia e vërtetë qëndron tek fakti që ajo vetë e ka vënë re një diferencë të tillë.
Burimi: House Beautiful
