Ju kujtohet portreti familjar i Mbretëreshës Elizabetë dhe mbesave e nipërve të saj? Atëherë me siguri ju kujtohet 2-vjeçarja që pozon në atë foto.
Mia Tindall, mbesa e madhe e Mbretëreshës, mori vëmendjen e njerëzve me mbajtjen e çantës dhe dukej shumë e kënaqur me këtë. Tashmë babai i saj Mike Tindall, ka shpjeguar këtë foto dhe sjelljen e Mia-s së “pabindur”.
Duke folur për “Good Morning Britain”, Mike shpjegoi: “Thjesht ndodhi në momentin e duhur. Ajo po sillej pak në mënyrë të pakëndshme, mbretëresha e bëri që të qetësohej menjëherë pasi i tha “vetëm mbajë çantën tani” dhe ajo e bëri. Përfundoi duke dalë një foto e mrekullueshme”.
“Doli si foto e duhur në momentin e dukur dhe do të jetë diçka që gjithmonë do ta duam, mendoj unë. Ka një personalitet të vogël te ajo dhe ne e inkurajojmë këtë”, tha Mike.
Ne e inkurajojmë atë gjithashtu nëse realizon foto kaq të lezetshme sa kjo!
Burimi: Harper’s Bazaar
