Në vitin 2013, këngëtarja Besa Kokëdhima u shpall fituese e festivalit “Kënga Magjike” me hitin e famshëm “Tatuazh në zemër”.
Mirëpo, për 6 vite me radhë, ajo i mungoi festivalit dhe duket se vetëm tani ka vendosur të rikthehet.
Burime për “Anabel.al” tregojnë se ajo do të konkurrojë sërish këtë vit.
Madje, Besa do të jetë edhe kantautore e këngës së saj.
Këtë vit për “Këngën Magjike” kanë ndryshuar rregullat e lojës. Artistët do të votohen jo vetëm nga njëri-tjetri, por edhe nga publiku në Internet dhe juria e “New Artist”.
Gjithashtu, këtë edicion do të ketë edhe artistë “Big” përkrah atyre të rinjve.
