Ditën e sotme në Tiranë do të ketë shkëputje të energjisë elektrike për gjashtë orë.
Sipas një njoftimit të publikuar nga vetë OSHEE-ja, bëhet me dije se nga ora 09:00 deri në orën 15:00, nuk do të ketë furnizim me energji elektrike në rrugën “Hamdi Cenoimeri”, në parafabrikatet në rrugën “Llambi Bonata” dhe në zonën e Sharrës.
Kujtojmë këtu se pak ditë më parë pati ndërprerje të energjisë elektrike në shumë zona të kryeqytetit, por dy javë më parë pati edhe ndërprerje të furnizimit me ujë në të gjithë Tiranën.
Njoftimi për ndërprerjen e furnizimit me ujë u bë në datën 4 qershor dhe atë fundjavë nuk pati ujë për dy ditë me radhë edhe pse jemi në mes të pandemisë Covid-19 dhe paralajmërimi i mjekëve është të mbajmë higjenën për të mposhtur këtë virus.
Njoftimi i plotë:
Pershendetje
Njoftim për abonentët #Tiranë. Për shkak të punimeve të planifikuara në datën 15 qershor në një nga fiderat e NST TEC, në intervalin kohor 09:00-15:00 do të stakohet energjia në këto zona në Tiranë.
Pjesërisht rruga “Hamdi Cenoimeri”, Parafabrikatet Rruga “Llambi Bonata”, zona e Sharrës. /gazetareforma
