Mjafton vetëm 15 minuta në diell për të dëmtuar lëkurën tuaj.
Përpara se të dilni jashtë për të shijuar motin e ngrohtë dhe rrezet e diellit, ja çfarë duhet të dini për mbrojtjen e lëkurës suaj nga dielli.
1. Përdorni gjithmonë krem kundër diellit.
Kremrave kundër diellit u është caktuar një numër i faktorit mbrojtës nga dielli (SPF) që vlerëson efektivitetin e tyre në bllokimin e rrezeve ultraviolet (UV). Numrat më të lartë tregojnë më shumë mbrojtje. Duhet të përdorni krem kundër diellit ku SPF duhet të jetë mbi 15.
Mos harroni të vendosni një shtresë të trashë kremi kundër diellit në të gjitha pjesët e lëkurës së ekspozuar.
Por nëse qëndroni gjatë në diell, vendosni sërish një tjetër shtresë.
2. Shmangni pikun e vapës.
Mundohuni të mos planifikoni aktivitete në natyrë midis orës 10:00 dhe 16:00.
3. Qëndroni në hije.
Ju mund të zvogëloni rrezikun e dëmtimit të lëkurës dhe kancerit të lëkurës duke kërkuar hije nën një cadër, pemë ose strehë tjetër. Edhe kur jeni në hije, sigurohuni që të mbroni lëkurën tuaj duke përdorur krem kundër diellit.
4. Mendoni për veshjen tuaj.
Këmisha me mëngë të gjata, pantallona të holla dhe funde të gjata mund t’ju mbrojnë nga rrezet UV.
Gjithashtu, përpiquni mos të visheni me ngjyra të errëta.
5. Vendos një kapele.
Për mbrojtjen më të madhe, vendosni një kapelë me strehë. Shmangni kapelet prej kashte me vrima që lejojnë dritën e diellit të depërtojë. Një kapele më e errët mund të ofrojë më shumë mbrojtje ndaj rrezeve ultraviolet.
6. Syzet e diellit janë gjithashtu të rëndësishme.
Syzet e diellit mbrojnë sytë tuaj nga rrezet UV. Gjithashtu mbrojnë lëkurën e butë rreth syve tuaj nga ekspozimi i diellit.
Syzet e diellit që bllokojnë rrezet UVA dhe UVB ofrojnë mbrojtjen më të mirë.
