Ylli i Saturday Night Live, Pete Davidson u fotografua i mbuluar me gjak të rremë ndërsa punonte në xhirimet e filmit të tij të ri horror, “The Home”, në New Jersey.
Sipas “Deadline”, ‘thriller’-i drejtuar nga James DeMonaco- ka të bëjë me një burrë të quajtur Max (Pete) i cili punon në një shtëpi të moshuarish dhe zbulon se banorët dhe kujdestarët po fshehin sekrete. Ndërsa Max eksploron ndërtesën për t’u përpjekur të mësojë më shumë, ai fillon të gjejë lidhje me të kaluarën e tij.
“Ne jemi të ngazëllyer që mbështesim vizionin e shkëlqyer të DeMonaco,” tha producenti Bill Block për “Deadline” në janar. “Filmi horror i James ‘The Purge’ ka fituar mbi 450 milionë dollarë në arkat botërore. Me aftësitë e tij mjeshtërore të tregimit dhe shkathtësinë e Pete si aktor, ky film do ta mbajë të emocionuar”
Pete më parë ka luajtur në filma si: “The King of Staten Island”, “The Suicide Squad” dhe “Bodies, Bodies, Bodies.”
Rikujtojmë se Pete u përfshi në një dramë me Kanye West.
Pasi reperi West shkroi një seri postimesh duke pretenduar se ylli i “Keeping Up with the Kardashians” nuk po e lejonte atë të shihte fëmijët e tyre – dhe se vajza e tyre më e madhe, North West vazhdonte ende të përdorte TikTok pavarësisht kërkesës së tij që ajo të qëndronte jashtë aplikacionit – Davidson vendosi të ndërhyjë.
Nga “screenshot”-et e postur nga miku i Pete, Dave Sirus (të cilat u fshin disa minuta pasi u postuan), komediani i thoshte Kanye-s se kishte vendosur që nuk do e lejonte më reperin t’i trajtonte ata në këtë llojë mënyre dhe se nuk do të heshte më.
Kur Kanye i shkruajti se ku ndodhej, Pete iu përgjigj se ndodhej në shtrat me ish-gruan e tij, Kim Kardashian.
Kanye i përgjigjet duke i thënë se është i lumtur ta shohë Pete “jashtë spitalit dhe rehabilitimit”.
Nga ana tjetër Pete u shpreh se reperi nuk e tremb dot atë me veprimet e veta, që sipas komedianit, janë të turpshme.
