Zëri i fuqishëm i Giusy Ferreri elektrizoi mbrëmjen e së martës kryeqytetin shqiptar. Ndërsa ndezi atmosferën në sheshin “Nënë Tereza”, performanca e këngëtares emocionoi shumë fansa.
Gjatë një interviste për “Top Channel”, këngëtarja e njohur italiane foli për rrugëtimin e saj drejt suksesit në karrierën e muzikës.
Para se të bëheshit këngëtare, keni punuar si shitëse…
Po, për 10 vite, gjatë të cilave gjithnjë kam tentuar të hyj në botën e muzikës. Kam punuar “part-time” si kasiere në një supermarket. Padyshim që ishte një eksperiencë që më ka dhënë shumë. Sot kuptoj edhe më shumë vlerën e asaj që bëj. Ndonjëherë është shumë e vështirë, pasi duhet të udhëtosh shumë dhe jo gjithnjë je në formë, por në fund kupton se ke qenë me shumë fat. Të gjithë profesionet kërkojnë sakrificë, por të rrish në fund të bësh atë që ke dëshiruar gjithnjë, duhet ta konsiderosh veten me fat.
Duhet besuar tek ëndrrat?
Duhet të besojmë shumë tek ëndrrat.
Ju bëni edhe bamirësi…
Po, absolutisht, sepse është e rëndësishme të dish që je e bekuar. Është një mundësi për t’u afruar edhe më shumë me njerëzit dhe padyshim që rastet e bamirësisë shërbejnë për të dhënë mesazhe. Është një mënyrë për të treguar mirënjohje ndaj dhuratës që të është bërë.
Projektet e ardhshme?
Po punoj për një album të ri. Sapo kam përfunduar turin dhe brenda dy javësh do të nisim të punojmë mbi albumin e ri që në muajt e parë të vitit, të jetë gati albumi i ri, aq shume i dëshiruar.
*Fotograf: Gent Onuzi
