Supermodelja Gigi Hadid ka pozuar me vëllanë e saj 17-vjeçar, Anwar Hadid për revistën e modës, Vogue të Britanisë.
Ylli 21-vjeçar mban veshur një fustan mëndafshi ngjyrë kremi ndërsa Anwar i hedh krahun si një vëlla i madh që po e mbron.
Në një intervistë për Vogue, Gigi është hapur për romancën e saj me këngëtarin Zayn Malik dhe jep një pasqyrë për lidhjen e tyre, që nga nëntori 2015.
Edhe pse të dy janë të zënë duke udhëtuar nëpër botë si pjesë e karrierave të tyre shumë të suksesshme, bukuroshja nga Kalifornia ka pranuar se kur gjen kohë, ajo dëshiron ta shpenzojnë atë duke pirë kafe dhe duke bërë art në prani të partnerit.
“Kur jam në Los Angeles, unë më së shumti qëndroj me të dashurin tim duke bërë art dhe gatim. Ne qëndrojmë vonë natën për të parë filma dhe porositim kafe me qumësht dhe biskota. Unë kam nevojë për kafe për të qëndruar zgjuar. Them gjithmonë le të shikojmë një film. Pastaj më zë gjumi në gjysmë të tij dhe ai më thotë, “ke parë gjysmën e parë të çdo filmi dhe nuk e ke idenë se si përfundon”.
