Ajo reagoi pas imitimit të Melania Trump, interpretim i cili u konsiderua si “racist”. Ndërkohë që ishte duke prezantuar “American Music Awards” të dielën, Gigi Hadid përdori një theks të Europës Perëndimore, duke imituar Zonjën e Parë të ardhshme.
Pas kësaj erdhën dhe kritikat e fansave, të cilët iu drejtuan 21-vjeçares që t’i qëndronte modelimit, pasi nuk kishte asnjë lidhje me aktrimin.
Përmes një postimi të bërë në rrjetin social “Twitter”, ajo i kërkoi ndjesë të gjithë atyre që mund të jenë ofenduar nga interpretimi i saj.
“E pata nder të drejtoja “AMA”-t mbrëmjen e kaluar, si edhe të punoja me disa prej shkrimtarëve më të respektuar në biznes. Unë nuk hoqa apo shtova diçka nga skenari, që për mendimin tim ishte një shaka dhe pavarësisht nëse ju e kuptoni apo jo, dua t’ju sqaroj se gjithçka ishte me një sens të mirë humori dhe pa asnjë qëllim të keq”, shkruan modelja.
“Edhe unë jam imituar nga disa personazhe televiziv, duke bërë shaka me veprimet e mia, por e mora me humor. Besoj se Melania e kupton këtë lloj biznesi dhe mënyrën se si shkruhen dhe drejtohen këto shfaqje”, thuhej në statusin e Hadid, e cila në këtë mënyrë ia lënë të gjithë përgjegjësinë spektaklit.
Burimi: Daily Mail
