Pas 2 vjetësh e 4 muajsh lidhje këngëtari Zayn Mlik dhe modelja e njohur Gigi Hadid i dhanë fund lidhjes së tyre. Në momentin që ata dukeshin më të lumtur se kurrë dhanë lajmin e ndarjes, duke i befasuar të gjithë.
Ishte vet Zayn ai që bëri të ditur lajmin përmes një statusi në rrjetin social “Twitter”, ku tregon se ky ishte një vendim shumë i vështirë, por një ndarje miqësore dhe ata do të vazhdojnë ta mbështesin njëri-tjetrin.
“Gigi dhe unë kishim një marrëdhënie tepër të rëndësishme, të dashur dhe zbavitëse dhe kam një respekt të madh për Gigin si një grua dhe një mike. Ajo ka një shpirt të madh! U jam mirënjohës të gjithë fansave tanë për respektimin e këtij vendimi të vështirë dhe privatësisë sonë në këtë kohë, ne dëshirojmë që ky lajm të ketë ardhur prej nesh së pari. Ju duam të gjithëve. XZ”, ka shkruar Malik.
Një nga arsyet e ndarjes së tyre u përfol se ishte profesioni që i mbante në distancë. Por në të vërtetë duket se ndarja e tyre nuk ka qenë dhe aq miqësore sa e kanë deklaruar në rrjetet sociale. Të paktën këtë ka lënë të kuptohet veprimi i fundit i Zayn.
Këngëtari sot ka hequr nga lista e ndjekëve në “Instagram” Gigi Hadid dhe mamanë e saj Yolanda. Pikërisht ky veprim ka hapur thashethemet se dyshja e njohur nuk janë ndarë thjesht prej ngarkesës në punë, por mund të kenë pasur probleme të tjera në çift.
