Ishte një muaj i gjatë mode për Gigi dhe Bella Hadid. Gjatë javëve të fundit, motrat 21 dhe 20 vjeç përkatësisht, kanë ecur bashkë në shfaqjet e Tommy Hilfiger, Anna Sui, Moschino dhe H&M.
Në një intervistë për “The Telegraph”, dyshja foli hapur për marrëdhënien e tyre dhe si është që të punojnë bashkë.
“Është e mrekullueshme të kesh familjen kaq afër, në këtë industri. Mund të shikoj në dhomë gjithë atë çmenduri dhe të kem sensin e shtëpisë, por gjithashtu kuptoj që kjo nuk është normale. Ndihem me fat”, u shpreh Gigi.
Pavarësisht se ajo është e lumtur për motrën e saj, ajo nuk mund t’i heq dot instinktet si motër e madhe:
“Jam shumë protektive, por mundohen, që ta bëj këtë në mënyrën argëtuese. Nuk mundohem të jem lart saj, sepse e di, që i ka mësuar shumë gjëra vetëm”.
Ndërsa Bella u shpreh: “Ne kemi qenë shoqe të ngushta që në fëmijëri. Ziheshim kur ishim adoleshente, por kur mbushëm 16 vjeç kuptuam se kemi njëra-tjetrën dhe mund ta largojmë vetminë”.
Burimi: Harper’s Bazaar
