Ish-trajneri i Kombëtares Shqiptare, Gianni De Biasi, ka vendosur të japë ndihmën e tij për të prekurit e tërmetit të 26 nëntorit, i cili shkatërroi Shipërinë.
De Biasi ka ndarë një video-mesazh në profilin e tij në Facebook, ku fton të gjithë miqtë e tij të huaj të kontribuojnë me fonde për personat e prekur nga tërmeti.
“Përshëndetje të gjithëve! Miqtë e mi të “Bici E Solidarieta’ Carovigno” organizojnë të shtunën, më 14 dhjetor, një takim bamirësie në favor të njerëzve të goditur nga tërmeti në Shqipëri. Ju ftoj të merrni pjesë sa më shumë, për të dhënë edhe ne kontributin tonë. Edhe një herë faleminderit dhe forca Shqipëri!”.- shkruan ish-trajneri krahas videos.
https://www.facebook.com/biciesolidarieta.carovigno/videos/vb.620508338095255/1018003931880121/?type=2&theater
Megjithëse prej disa kohësh nuk është më trajneri i skuadrës tonë, De Biasi ka treguar se ka një lidhje të veçantë me Shqipërinë dhe po përpiqet ta ndihmojë në këto ditë të vështira për të gjithë.
