Shkollave “Sami Frashëri” dhe “Emin Duraku” në Tiranë u është vënë shiriti pasi kanë pësuar dëmtime nga tërmeti i 26 nëntorit.
Mësohet se nxënësit do të zhvendosen në 2 shkolla të tjera, për të cilat ende nuk ka një informacion zyrtar.
Nga tërmeti janë dëmtuar rreth 26 shkolla. Një ndër to është edhe shkolla e Përgjithshme “Selman Daci” në Bubq pasi ka shumë dëme.
Ende nuk dihet se kur do nisë shembja e saj, ndërkohë që është njoftuar se nxënësit e kësaj shkolle do të transferohen në Fushë Krujë. Kjo shkollë ka 261 nxënës të cilët tashmë do të ndjekin mësimin në Fushë-Krujë.
Edhe shkolla “Ramazan Jangozi” në Thumanë do të shembet edhe pse u rikonstruktua këtë vit.
