Kosova feston sot 8-vjetorin e Pavarësisë. Për këtë përvjetor njerëz të rëndësishëm të politikës, diplomatë, por dhe artistë nuk ngurruan që të uronin Kosovën në rrjetet sociale.
Edhe celebrities shqiptarë në këtë 17 shkurt kanë përcjellë urimet e tyre përmes fotografive për vëllezërit e tyre në Kosovë ose për atdheun e tyre.
Në mesin e shumë këngëtarëve që kanë uruar këtë ditë janë edhe Dafina Zeqiri dhe Genta Ismajli.
Të dyja kanë shfrytëzuar llogaritë e tyre në “Instagram”, për të postuar fotografi me flamurin e Kosovës dhe njëkohësisht duke e uruar shtetin më të ri që tashmë ka mbushur tetë vite, që kur është shpallur i pavarur
Këngëtarja me prejardhje shqiptare, e cila nisi karrierën e sa në Londër, Dua Lipa nuk ka harruar të urojë shqiptarët në këtë përvjetor të pavarësisë së atdheut të saj.
Dua ka postuar në llogarinë e saj në “Instagram” një video me flamurin e Kosovës,
Ajo në përshkrimin e videos ka shkruar: “Gëzuar ditën e Pavarësisë Kosova! Të dua”.
Në mesin e shumë këngëtarëve, edhe Flori Mumajesi së bashku me një fotografi të flamurit të Kosovës, uroi Pavarësinë e saj.
Edhe stafi i “ICON” i uron bashkëkombësve tanë Gëzuar 8-vjetorin e Pavarësisë së Kosovës.
