Edhe pse nuk ka asgjë zyrtare, duket se gjërat mes Shakirës dhe Gerard Piqué po marrin një rrjedhë përfundimtare, pasi këngëtarja kolumbiane është gati që të transferohet në Miami me fëmijët e saj.
Pique si duket ka rënë në një mendje me Shakirën lidhur me këtë situatë. Përveç kësaj, duket se lojtari i Barcelonës do ta mbyllte këtë kapitull të jetës së tij në mënyrën më të mirë, pa urrejtje dhe gjithçka për hir të fëmijëve të tyre Milan dhe Sasha.
Dhe këtë e tregon Gerard Pique me një mesazh që i ka dërguar Shakirës, në të cilin i uron asaj më të mirën, i vetëdijshëm se gjithçka që ndodh mes tyre, në të mirë e në të keq, do të reflektohet tek fëmijët e tyre. Kjo është arsyeja pse Pique dëshiron ta mbajë marrëdhënien në paqe.
Një person i afërt me Barcelonën publikoi mesazhin, në të cilin ai e bën të qartë se lidhja e tyre 12-vjeçare praktikisht ka përfunduar dhe pa marrëveshje, dhe se tani gjëja më e rëndësishme për të dy duhet të jenë fëmijët e tyre.
“Të uroj më të mirën. E rëndësishme është lumturia dhe mirëqenia e fëmijëve tanë”, thuhet në mesazhin që lojtari i dërgoi Shakirës, para takimit javën e ardhshme, sipas raportimeve të mediave të ndryshme.
Ndonëse polemika mes të dyve dukej se po rritej dita-ditës, duket se gjërat mes të dyve po qetësohen. Tashmë mund të kemi një marrëveshje që Shakira të mbajë kujdestarinë e fëmijëve të tyre dhe t’i marrë ata për të jetuar në Miami.
