Nuk kanë të ndalur surprizat nga Gerogina Rodriguez. Bukuroshja argjentinase po angazhohet në një tjetër projekt për të cilin fansat mezi po e presin. Influencerja do të marrë pjesë në videoklipin e ardhshëm të këngëtarit kolumbian Sebastian Yatra ‘Energica Bacana’.
Georgina, e cila është e martuar me legjendën e futbollit, Cristiano Ronaldo ka postuar disa foto nga prapaskenat e videoklipit, ku shfaqet e veshur në rozë ulur në tokë dhe e mbështetur pas një divani.
Deri këtu çdo gjë duket në rregull, por fansat kanë nisur kritikat për dy qentë që ndodhen pranë bukuroshes. Ata kanë reaguar të shqetësuar për shëndetin e tyre.
“A janë mirë qentë? Shihen qartë brinjët…”, tha një përdorues në komente. “A e ushqejnë qenin, apo jo?”, pyeti një tjetër ndjekës i shqetësuar.
Kishte shumë komente të tjera që i bënë jehonë këtij detaji.
