Georgina Rodriguez dhe Cristiano Ronaldo janë një ndër çiftet më të komentuar të showbizit. Së fundmi, bukuroshja ka vendosur që të surprizojë Cristianon me një dhuratë super luksoze.
E gjeni dot se për çfarë bëhet fjalë?
Pikërisht për një makinë Rolls Royce.
Epo mesa duket futbollistit të njohur dhe shumë të suksesshëm sapo iu shtua edhe një tjetër makinë në koleksionin e tij. Të gjithë e dimë pasionin e madh që Cristiano ka për makinat.
Georgina ka rrëfyer më parë gjatë dokumentarit të saj se kishte kursyer para duke punuar si kameriere, ndërkohë që më pas udhëtoi për në Madrid, ku filloi si nëpunëse e ‘Gucci’-t dhe takoi Cristiano Ronaldon, për të krijuar historinë që do t’i ndryshonte jetën.
Mes tyre kishte një shkëndijë që herën e parë që u panë, ndërsa emocionet nisën në takimet e tjera. Gjithçka si në filma!
“Dikur shisja për marka të famshme, tani i blej dhe i vesh nëpër tapete të kuq!”- është shprehur Georgina, e cila ndryshimin e jetës së saj që nga lidhja me futbollistin e ka rrëfyer në serialin e saj në Netflix, “Soy Georgina” (Jam Gerogina).
Ky serial u lançua në Netflix më 27 janar dhe që tani ka thyer rekorde shikueshmërie në mbarë botën.
Gjatë serive, Georgina tregon jetën e saj të përditshme, takimet e punës apo mënyrën si argëtohet me partnerin, shoqërinë e fëmijët.
