Do të jeni shumë të mërzitur për faktin se nuk jeni miq me George dhe Amal Clooney, pasi të lexoni se aktori është personi që i jep miqve të tij para pa asnjë arsye.
Sipas burrit të Cindy Crawford, Randy Gerber (një mik i ngushtë i George), aktori i ka dhënë 14 prej shokëve të tij më të ngushtë para.
“Është një grup shokësh që i quajmë “Djemtë”. George më thirri mua dhe “Djemtë” dhe na tha: “Shënoni 27 shtatorin 2013 në kalendarin tuaj. Të gjithë do të vijnë në shtëpinë time për darkë”, tha Gerber.
Kjo është një histori e mrekullueshme, që vazhdon kështu:
“George filloi të thoshte: “Dëgjo, dua që ju ta dini sesa të rëndësishëm jeni për mua. Erdha në L.A., fjeta në shtratin tuaj. Jam kaq me fat që ju kam të gjithëve dhe nuk do të isha këtu ku jam pa të gjithë ju. Kështu që është e rëndësishme për mua, ndërsa jemi të gjithë këtu bashkë, që unë t’jua kthejë. Dua që t’i hapni valixhet”.
Valixhet kishin nga 1 milion dollarë.
“Çdo njëri prej nesh, mori 1 milion dollarë. Ishim të shokuar. Çfarë ishte kjo? Ai vazhdoi: “Kam kaluar disa kohë të vështira, disa prej jush po vazhdojnë t’i kalojnë. Nuk keni pse shqetësoheni për fëmijët tuaj, për shkollën, për të paguar hipotekën”. Këta djem u kujdesën për George dhe ai po jua kthente. “Jo vetëm kaq. Pagova të gjitha taksat tuaja kështu që këto para iu takojnë vetëm juve”, kujton Randy Gerber.
Gerber, i cili i dha paratë për bamirësi sqaroi: “Ky është George. Ajo ndodhi më 27 shtator 2013. Më 27 shtator 2014, ai u martua me Amal-in”.
Burimi: Marie Claire
