Gentian Zenelaj dhe Ermal Mamaqi janë jo vetëm kolegë, por dhe miq të vjetër. Të gjithë i kujtojmë kur të dy ishin pjesë e “SHBLSH” dhe bënin humor në Portokalli.
Genti në një intervistë për “Who”, u shpreh se Ermali nuk duhet të jetë aq serioz sepse ai është fantastik për atë që është dhe natyrën që ka.
“I respektoj të gjithë kolegët dhe nuk para shaj njeri, më tepër se sa mund të bëj vërejtje konstruktive për njerëz. Ermali ka qenë ndër të parët që ka nisur një show, por në ndryshim nga programet e tij të mëparshme ai është bërë më serioz. Por Ermali nuk duhet të jetë serioz, sepse ai është fantastik për atë që është dhe me natyrën që ka”, u shpreh Genti.
Aktori i humorit u pyet nëse ka menduar që të bëjë një “Show” të tijin, siç po ndodh me kolegët e tij, dhe ai u përgjigj se nuk është gati për diçka të tillë, kështu që do të vazhdojmë ta shohim tek emisioni investigativ “Stop”.
