Këngëtari shqiptar Genc Prelvukaj ka zbuluar arsyen përse shumicën e klipeve i pëlqen t’i xhirojë në Shqipëri dhe Kosovë.
Nëpërmjet një postimi në Instagram, ai ka treguar se arsyeja e vetme pse zgjedh këto vende është për t’i promovuar pasuritë natyrore që ne kemi.
Genci jep një këshillë për të gjithë artistët e tjerë që përpara se të dalin në shtetet e tjera, duhet fillimisht të eksplorojnë të gjithë vendin e tyre.
“Shumica e videoklipeve të mia të viteve të fundit janë xhiruar në vendet më të mira të shqiptarëve si Divjakë, Peshkopi, Mirditë, Plavë, Prishtinë, Kukës, Shkodër, Durrës etj. Në to kryesisht pasqyrohet vendet e bukura dhe kjo gjë përveç se i jep ngjyrë videoklipit ndikon edhe në promovimin e tyre, ky është një prej qëllimeve kryesore pse i bëj në atë formë. Shqiptarët kanë shumë vende të bukura dhe para se të eksploroni shtetet e tjera dhe kontinentet e tjera sigurohuni që i keni konsumuar këto që i kemi”, shprehet këngëtari.
Klipi i fundit i Gencit “Lule Bore”është xhiruar në veri të Shqipërisë.
