Tashmë festa ka nisur!
Gazi dhe Ira mbërritën në hotelin luksoz ku po mbahet dasma, të kapur për dore ndërkohë që të ftuarit duartrokisnin!
“Iconstyle.al” ka siguruar pamjet ekskluzive nga dasma që po mbahet pak orë pasi aktori dhe partnerja e tij i thanë “po” njëri-tjetrit në taracën e Bashkisë së Tiranës.
Fustani i dytë i Irës është shumë madhështor dhe vezullon i gjithi. Ai është i fryrë dhe me kosh të madh si Hirushe, ndërsa supet i ka të rëna dhe dekoltenë e zbuluar.
Në sy bie bishti madhështor që i varet pas si një princeshë. Ndërsa Gazi duket tejet elegant me kostumin e zi dhe papion, teksa udhëheq nusen e tij në pistë.
Kënga që dëgjohet në sfond teksa çifti mbërrin dhe përshëndet të ftuarit është ajo e Alban Skënderajt “Unë dhe ti”, një zgjedhje tejet romantike kjo.
Në një video të dytë të siguruar nga “iconstyle.al” shfaqet Luftar Paja, babai i dhëndrit i cili hap dasmën me vallen e parë së bashku me familjen.
Një gëzim i madh ky për aktorin e njohur të teatrit shqiptar, i cili marton të birin Gaz Paja.
/Iconstyle.al
