Një nga gazetaret më të njohura të “Digitalb” Xhesika Trola ishte e ftuar mbrëmjen e kaluar në emisionin e futbollit “Top Arena” dhe ndau me të gjithë publikun historinë se si kishte takuar rastësisht futbolllistin e famshëm Neymar.
Ajo tha se para shumë vitesh ndërkohë që ishte në Ibiza kishte parë futbollistin e njohur dhe i kishte kërkuar të bënte një foto. Mirëpo reagimi i tij nuk i ka pëlqyer fare asaj, pasi ai as nuk kishte marrë mundimin të ngrihej në këmbë për foton dhe Xhesika e quan sjelljen e tij arrogante.
“E kam takuar Neymar para disa vitesh në Ibiza. I kërkova të bëja një foto me të, por ishte shumë arrogant dhe nuk dënjoi as të ngrihej në këmbë, qëndroi i ulur në karrige. Në atë kohë kishte edhe një të dashur shumë xheloze që nuk e linte të bënte asgjë” – u shpreh gazetarja shqiptare.
