Nuk është ndonjë krahasim i çuditshëm mes ditës së parë të shkollës dhe asaj në Kuvend për sesionin e ri parlamentar.
Në seancën e parë të Parlamentit, deputetët të rinj e të vjetër u pyetën nga gazetarja e emisionit investigativ “Stop”, jo për temën e politikës, por për modën.
Duke e nisur me deputeten demokrate Albana Vokshi, gazetarja i pohoi se dukej shumë seksi dhe i kërkoi të bënte një piruetë me fustanin e ri. Por deputetja nuk ia plotësoi dëshirën.
Pyetja për kostumin iu bë edhe ministrave apo deputetëve, ndërsa shumë heshtën, përgjigjet e atyre që vendosën të flisnin për televizionin i përshtateshin batutës së gazetares.
