Të tjera detaje janë zbardhur nga familja prej 7 anëtarësh, të cilat janë ngujuar nën rrënojat e vilës së tyre 3-katëshe në Durrës.
Teksa kërkimet vijonin, zëri i një djali dëgjohej nga rrënojat.
I riu 17-vjeçar kishte kërkuar ujë, dhe pasi forcat në terren i kishin ofruar atij ujë, banesa ishte shembur totalisht.
“Nga ajo që bisedova me një të afërm të familjes, djali kërkonte ujë dhe se kishte deklaruar se nuk shihte persona të tjerë rreth e qark. Ata i dhanë ujë…me shpresën që të ndërhynin…ai ishte bllokuar mes një kolone”, rrëfeu gazetarja Klodiana Lala mes lotësh për “News24”.
Deri më tani një person ka mundur të dalë nga rrënojat, ndërkohë që 7 anëtarë të tjerë të familjes dyshohet se janë nën rrënoja.
