Incidenti i Fifit gjatë spektaklit të Big Brother të martën ka sjellë reagime të shumta dhe personazhe të njohur kanë dalë në mbrojtje të saj.
Ndër ta ishte edhe Flori Mumajesi, i cili shprehu mbështetjen për miken e tij.
“E mira Fifula që sot më shumë se kurrë të gjithë po flasin për ty edhe pse ti ske lidhje me helmin brenda tyre ! Të kryqezuan se interneti u jep mundesinë të ndihen superior , të mënçur, madje dhe Artistë! Taksirat shpirt , këtu u rritëm e këtu jetojmë,këtu në vendin tim e në vendin tënd ku unë e ti gabojmë e atyre iu “dhemb”, shkruante Flori, duke shpërndarë videon e një kënge që Fifi krijoi brenda Big Brother Vip.
Mirëpo këtë reagim të Florit nuk e kanë pritur mirë të gjithë. Gazetari Flavio Qarri ka sulmuar ashpër këngëtarin për mbështetjen tiij ndaj Fifit.
“Flor Mumajesi vetëm u përfol për lidhje me Fifin dhe ka 3 vite qe nuk mbledh veten”, shkroi Flavio Qarri në një postim në Instastory.
Flori nuk ka pritur shumë dhe i është kundërpërgjigjur, pa përmendur emrin, por që kuptohej se po fliste për gazetarin.
“Nardi do thoshte: puseta pa kapak qelb”, shkroi Flori.
Mbështetjen për Fifin e shprehu dhe Graniti, i cili tha se do të jetë me të deri në frymën e fundit, ashtu siç i ka premtuar.
