Ajo nuk ka asnjë faj. Përveç se është e bukur. Dhe është zgjedhur si shoqëruesja e tij nga Valentin Selaj, një nga bosët e klanit shqiptar, të shkatërruar nga skuadra policore fiorentine me investiguesit holandezë.
Viola është femra më e famshme dhe e dëshiruar në Shqipëri dhe vendet fqinje. Një vajzë kopertinash, aktore, modele, domethënë mbretëresha e modës, që i ishte përshtatur jetës së bukur dhe nuk e dinte, që partneri i saj shqiptar ishte një nga 6 personat në kërkim të të cilëve ishte vënë gjysma e policisë evropiane.
Një femër perfekte: me të gjithë ato para që i qarkullonin vërdallë, a mund të mendonte se pikërisht i dashuri i saj ishte në të vërtetë një bos droge me “interesa” në mes të Evropës?
Gjithnjë e ndjekur nga paparacët, gjithnjë në televizion, gjithnjë e ëndërruar nga meshkujt dhe jo vetëm, ka shëtitur botën për shërbimet fotografike të paguara me dollarë.
Ajo nuk ka të bëjë fare me operacionin e policisë, por ditën tjetër pas arrestimit të të dashurit, postoi në rrjetet sociale me mijëra ndjekës, dy imazhe të trishtuara. Buzëqeshja e saj u zhduk.
Pershtatur nga “La Nazione”
Shkrimi u publikua nga gazeta italiane me titullin: “Bosi, femrat dhe vilat gjigande. Një bandë me jetën e Scarface”/ E dashura është një top modele: mbulimi perfekt”
