Të shtunën që lamë pas, moderatorja Luana Vjollca nisi sezonin e tretë të emisionit të saj “Shiko kush Luan”.
Ajo u shfaq e veshur me një kostum bardhë e zi, duke u kombinuar edhe me dy kapitenët, Florjan Binaj dhe Rezart Veleshnja.
Pas përfundimit të puntatës së parë, Luana ishte më e lumtura pasi mësoi se emisioni i saj theu rekorde shikueshmërie dhe videoja e publikuar në Youtube kishte marrë më shumë se 400 mijë klikime.
E frymëzuar nga ky sukses, moderatorja është gati për puntatën e dytë, për të cilën ka premtuar se do të jetë më ‘flakë’ se e para.
Në profilin e saj në Instagram, Luana ka njoftuar ndjekësit për puntatën e sotme, si dhe ka zbuluar look-un që do të ketë këtë mbrëmje.
Moderatorja shfaqet me një fustan të zi plot xixa në ngjyrë gri, të kuqe dhe blu.
Ajo i ka krehur flokët me onde dhe ka vendosur një palë vathë të mëdhenj, të kombinuar me varësen.
Si gjithmonë, Luana shfaqet edhe këtë herë shumë seksi, teksa ndjekësit po presim me padurim orën e transmetimit të emisionit të saj.
