Pas këngës më të fundit të titulluar “Origami” të cilën e ka realizuar në bashkëpunim me DJ Maphorisa, këngëtarja Era Istrefi ka njoftuar bashkëpunimin e ri me një emër të njohur në Shqipëri dhe jashtë saj.
Bëhet fjalë për këngëtarin me origjinë shqiptare që jeton në Greqi, Claydee, i cili numëron një sërë hitesh mes të cilave edhe kënga e realizuar me Ermal Mamaqin në Shqipëri, “Senorita”.
Era ka publikuar një foto teksa ndodhet në studion muzikore bashkë me Claydee, duke shkruar: Duke punuar! dhe me siguri që presim një hit nga të dy!
Ndërkohë, këngëtarja ka pak ditë që ka publikuar këngën “Origami” në të gjitha platformat, por edhe në Youtube, në versionin audio.
Në versionin e publikuar në Youtube thuhet se kënga është shkruar nga Istrefi bashkë me emra të njohur të muzikës si: Whitney Phillips (Hailee Steinfeld, Nick Jonas), Jerker Hansson (Zara Larsson, Erik Hassle) and Jarrad Rogers (Ella Eyre, Rachel Platten).
Nisur nga suskesi i “Bon Bon”, Era ka zgjedhur një ndërthurje të tekstit shqip me atë anglisht. “Origami” lidhet me kulturën japoneze dhe është arti i palosjes së letrës.
