Këngëtarja Anxhela Peristeri arriti të kualifikohet në finalen e madhe të “Eurovision 2021” dhe sonte presim të shkëlqejë në skenë si një divë e vërtetë, duke përfaqësuar Shqipërinë me këngën “Karma”.
Ajo do të jetë e dyta në radhë, ndaj të gjithë shqiptarët që jetojnë jashtë shtetit, në vendet e renditura në listë, mund të votojnë numrin 02 në numrat e telefonit të afishuar.
View this post on Instagram
Në një intervistë për “Telegrafin”, Anxhela ka folur për performancën e sotme, duke i bërë thirrje të gjithë shqiptarëve të diasporës ta mbështesin duke votuar.
“Eurovisioni është një skenë aq e madhe, me një audiencë aq të madhe sa që kontrollimi i emocioneve gjatë performimit është shumë i vështirë. Në momentin që dëgjuam se ishim në finale, isha shumë e lumtur dhe emocione te jashtëzakonshme që është vështirë të pëshkruhet sidomos kur aspak nuk e prisja që ne të emërohemi si kualifikuesi i parë. Ishte një moment shumë i bukur.
Emocionet gjithnjë janë në rritje kur afrohet ora e performimit, jam shumë e lumtur që arritëm në finale dhe do e përfaqësojmë gjithë shqiptarët anembanë dhe muzikën shqiptare. Jam shumë falënderues për votat e shqiptarëve në diasporë në natën e gjysmëfinales, sonte gjithashtu dhe një herë pres mbështetjen e tyre për ta ngjitur sa më lartë Shqipërinë dhe gjithë shqiptarët në këtë edicion. Sonte, performoj me numrin 02, dhe shpresoj të marr mbështetjen e gjithë shqiptarëve dhe një herë”, ka thënë këngëtarja.
