Noizy është padiskutim një ndër reperët më të dashur për publikun shqiptar. Ai tashmë po përgatitet për “Alpha Show” dhe së fundmi ka bërë me dije një detaj të rëndësishëm.
Reperi ka publikuar në Instastory një video, ku shkruan se sonte gjatë natës, do të nisë vendosja e skenës.
Noizy, më herët, ka folur për “Pushime On Top” lidhur me jetën e tij personale dhe profesionale.
Jo vetëm kaq, por ai foli edhe për artistë të ndryshëm, ku u ndal edhe te Elvana Gjata.
Ai tha se ka menduar që të bëjë një bashkëpunim me Elvana Gjatën.
“Kemi folur me Elvanën. Noizy i dikurshëm, i 2008-ës, e ka bërë një këngë që quhet “Jena mbretër” edhe është përmendur pak Elvana aty, të cilën e kemi diskutuar dhe i kam thënë që ka qenë thjesht një këngë. Ajo këngë tashmë është himn i çdo diskoje. Unë kam gjithë ato vite karrierë dhe atë këngë akoma duhet ta këndoj. Do doja shumë të mos e kisha përmendur, sepse është një vajzë shumë e mirë, vajzë fantastike”, është shprehur Noizy duke lënë të nënkuptojmë që hatërmbetjet mes tyre tashmë nuk ekzistojnë.
“Mund të keni një bashkëpunim?”, i tha Ori Nebijaj
“Po, e kemi diskutuar. Nuk dua ta mbyll karrierën pa patur një këngë me Elvanën”, tha reperi.
