Teksa e gjithë bota po përballet me epideminë vdekjeprurëse Covid-19, qytetarët janë mbyllur në shtëpi për të mbrojtur veten dhe të tjerët pranë tyre.
Izolimi nuk është diçka e lehtë, ndaj gjithkujt i është dashur “të merret me diçka”.
Duke qenë se në rrjet u hap sfida e publikimit të fotove të vjetra, duket se edhe reperi shqiptar Gashi i është futur me kokë arkivës së tij.
Ai ka ndarë me fansat një foto të vjetër të tijën, ku thuajse nuk e njohëm fare!
Reperi shfaqet gjatë kohës kur ishte student dhe duhet ta pranojmë se duket tepër simpatik.
Megjithatë, look-u kaq ndryshe e bën të ngjajë si një njeri tjetër.
Gashit i mungon mjekra, piercing në hundë, tatuazhi pranë syrit dhe ka gjithashtu një model tjetër flokësh.
Prej kohësh reperi shqiptar po shijon karrierën e tij në Shtetet e Bashkuara, duke na bërë të gjithëve krenarë me talentin dhe arritjet e tij.
Megjithëse nuk ka lindur në Shqipëri, ai nuk e ka harruar origjinën e tij dhe gjen rastin ta tregojë se është shqiptar sa herë i jepet mundësia.
