Ai që u cilësua si krimineli më i bukur në botë, është modeli më i njohur sot për sot. Jeremy Meeks pati fatin të jetë i bukur dhe të tërheqë vëmendjen e stilistëve, për ta bërë imazh të markave më të njohura, vetëm përmes një fotoje të realizuar në ambientet e policisë.
E njëjta gjë duket se mund të ndodhë edhe me një vajzë 20-vjeçare, e cila është anëtare e bandës së Kalifornisë, dhe që është cilësuar si “kriminelja më seksi”, falë një fotoje profili që po bëhet virale në internet.
Mirella Ponce u arrestua nën akuzën e armëmbajtjes, pasi u ndalua të hënën nga policët në një automjet, ku ndodhej një fëmijë i mitur dhe armë.
20-vjeçarja, e cila është anëtare e bandës Tiny Rascal (TRG), u vu në pranga së bashku me dy anëtarë të tjerë të bandës, të cilit ishin gjithashtu brenda automjetit, thotë policia.
Ajo është akuzuar për mbajtjen e dy armëve të zjarrit, njëra pa leje dhe tjetra e vjedhur. Garancia për lirimin e saj është pagesa 50,000 dollarë për çdo akuzë.
Informacioni mbi arrestimin e saj, fotoja e realizuar pas arrestimit dhe një fotografi e pistoletës në ngjyrë lejla u publikuan në faqen e “Facebook”-ut të Departamentit të Policisë në Fresno dhe po bëjnë xhiron e botës.
“Qenka e bukur”, “Sa është garancia, do të paguaj unë për lirimin e saj”, janë disa nga komentet që shkruhen në fotot e publikuara.
Shpresojmë që fotoja e bukuroshes t’i tërheqë vëmendjen dikujt.
TRG është një bandë në Kaliforni e cila ka anëtarë kamboxhianë dhe amerikane. Filloi në vitet 1980 dhe mendohet se ka 10,000 anëtarë në të gjithë vendin.
Burimi: Daily Mail
