Sot do të flasim për një ndër serialët më të bujshëm të vitit 2020. E dimë që ky vit ka qenë boll i bujshëm nga situata me pandeminë, por le të humbasim pak mendjen me gangsterët e Londrës.
“Gangs of London” është shkruar nga Gareth Evans dhe Matt Flannery, të cilët janë bërë të njohur pas prodhimit të filmave indonezianë të arteve marciale. Por këtë herë ata janë përqëndruar te bandat e Londrës, më saktë te Wallace, një familje gangsterësh që janë predatorët kryesorë në qytet.
Dhe na lejoni t’ju themi diçka si fillim, nëse skenat e dhunshme nuk janë për ju, atëherë nuk do të keni zemër për këtë serial!
https://www.instagram.com/p/B_U-TpPB-m7/
Por nëse i përballoni ato, atëherë mund t’ju themi se pjesët më brutale duken të realizuara mjaft bukur në serial dhe rrëfimi i historisë po ashtu.
E veçanta e “Gangs of London” dhe një ndër arsyet që mendojmë se ia vlen ta shihni, është fakti se ai flet edhe për bandat shqiptare, madje ka dhe aktorë shqiptarë në “Gangs of London”. Në të gjithë sezonin kemi një përplasje bandash nga ajo shqiptare, të ajo xhamajkiane, irlandeze, ruse, apo iraniane. Të gjithë të veshur e të mbajtur mirë, dhe secila bandë me një arsye të madhe për të ekzekutuar kreun e londinezëve, Fin (Colm Meaney).
Si nis historia
Kur kreu i londinezëve vritet, të gjithë duken fajtorë. Ne e dimë që vrasja famëkeqe është bërë nga një djalë i ri, Darren, nga banda e Udhëtarëve, por ne nuk e dimë se kush e urdhëroi atë. Wallaces dyshojnë tek shqiptarët, pasi vrasja ndodhi në terrenin e tyre. Të gjithë të tjerët dyshojnë për të gjithë, por askush nuk shqetësohet shumë deri sa kjo ndikon në biznes.
Perandoria Wallace nis të drejtohet nga njeriu që e ndërtoi atë përkrah Fen-it – Ed (Lucian Msamati), shoku i tij më i mirë që nga fëmijëria e tyre. Përpjekjet e tij për të mbajtur gjithçka në rrugën e duhur ndërsa kërkojnë për vrasësin e Fin-it zhbëhen menjëherë në çast nga djali dhe trashëgimtari i Fin-it, Sean (Joe Cole), i cili kërkon ndëshkim sa më shpejt dhe sa më gjakatar të jetë e mundur. Ai njofton se asnjë nga bandat nuk do të jetë më e lirë për të vepruar derisa të gjendet vrasësi.
Dhuna e ndjeshme, por mësohesh!
Megjithëse dhuna është e qartë dhe ekstreme, ajo nuk është – e tepruar. Frika e viktimave të saj është e dukshme. Ndonjëherë, kjo ndihet edhe te autorët e saj. Autorët e serialit kanë zgjedhur ta përfshijnë atë, veçanërisht në një formë të tillë që ndihet – por nuk është e copëtuar nga të gjitha kontekstet. Në të shtrohen mjaft çështje të tilla si për shembull: Çfarë e bën një familje të quhet e tillë! apo Sa besnikëri të fortë mund të ketë mes dy personave pa lidhje gjaku!
Aksioni është spektakolar!
“Gangs of London” hapet me një skenë mjaft të bujshme të Sean Wallace, gjatë natës, në majën e një kullë gjysmë të përfunduar. Poshtë tij është një njeri i varur. Në këmbët e tij, një kanaçe me benzinë. Impakti është i drejtëpërdrejtë dhe jep një hamendësim sesi mund të jetë vijimësia e serialit: brutale dhe e dhunshme!
https://www.instagram.com/p/CAlPg-0nEtw/
Personazhe të frymëzuar nga gangsterë të jetës reale
Një rival i madh i perandorisë Wallace në “Gangs of London” është Asif Afridi, i cili kontrollon rrugën e heroinës për në Londër nga Pakistani dhe gjithashtu ka dorën e tij (shumë të korruptuar) në politikë. Ai bazohet në baronin e drogës në jetën reale Haji Ayub Afridi, i cili kontrolloi rrugën e heroinës përmes Pass Khyber të Pakistanit dhe u zgjodh si një politikan pakistanez në vitet 90.
Aktorë shqiptarë në film? Poooooooo
Orli dhe Eri Shuka, çift në serial dhe në jetën reale janë pjesë e serialit Gangs of London. Ata luajnë rolin e Luanit dhe Mirlindës të cilët drejtojnë bandën shqiptare. Nebal Basani luan rolin e Tarik Gjelajt, krahu i djathtë i Luanit. Aktorja Arta Dobroshi luan personazhin e Florianës, Chloe Sulaj është në rolin e Bukuroshes, Azra Rexhepi në rolin e Elirës dhe Florist Bajgora në rolin e Besmirit.
Një kast i plotë shqiptarësh në një serial të tillë e bën akoma më interesant subjektin. Për bandat shqiptare është përfolur shumë dhe madje kanë qenë në role negative në shumë filma (me siguri po ju kujtohet Marko from Tropoja). Megjithatë “Gangs of London” e sjell përballjen mes bandave në një tjetër nivel, dhe rolin e shqiptarëve në qendër që në fillim.
Seriali ka krijuar fansa anembanë botës dhe njëri prej tyre që e ka shprehur edhe publikisht pëlqimin, është kreu i qeverisë Shqiptare, Edi Rama.
Ky i fundit i ka shkruar aktorit Orli Shuka për ta përgëzuar për performancën, dhe madje ka treguar se ka qëndruar pa gjumë dy net për ta parë.
“Sa e mbarova! Super! Përgëzime!”, është komenti në postimin e aktorit që i ka lënë kryeministri Rama.
Më pas ai tregon se ndihet krenar për aktorët shqiptarë që luajnë në serial:
“orlishukaofficial jo më pëlqeu, po me la lidhur dy net deri kur u zgjuan tërë gjelat e Surrelit. Realisht super dhe ti më bën krenarë o burrë, respekt. dhe falendero Pippa që e duartrokiti komentin. E admiroj atë në Mother Father Son dhe ishte impresionues transformimi i saj në Gangs. Shendet e sukses të mëtejshem me gjithë zemër i dashur Orli dhe të lutem mbijeto për Season 2”, shkruan Rama.
Orli Shuka është djali i aktorit të njohur Agim Shuke. Ai ka emigruar së bashku me familjen në Angli gjatë viteve ’90. Ai e filloi karrierën e tij të aktrimit në vit 2004 kur ai regjistroi një zë për dramën e serialit BBC 1, Bajroni.
