Transmetimet live në televizion e kanë gjithmonë atë riskun për incidente në ekranet shqiptare.
Nuk janë të paktat rastet kur personazhe të njohur janë bërë pjesë e gafave.
I tillë është edhe rasti i analistit të njohur Shpëtim Nazarko i cili ishte i ftuar në “Top Show” mbrëmjen e djeshme, për të folur mbi protestën e Rrugës së Kombit dhe arrestimet.
Analisti ishte i kuruar në detaj sa i përket veshjes. Ai kishte veshur një kostum blu dhe një këmishë të bardhë, por fatkeqësisht kishte harruar të hiqte etiketën.
Ajo i dilte vazhdimisht sa herë që Shpetim Nazarko fliste me gjeste, etiketa i tundej dhe ishte e pamundur të mos e vije re. Olti Curri ka publikuar një foto nga emisioni.
Ndoshta ishte thjesht një kostum i marrë me qira që duhej kthyer, por ajo që është e çuditshme është se asnjërit prej të ftuarve nuk i tërhoqi vëmendjen.
