Vetëm pak minuta më parë, stafi i ‘Big Brother’ sapo bëri një gafë duke rrezikuar kështu të gjithë emisionin dhe mënyrën sesi është organizuar ai.
Dikush nga regjia apo stafi monitorues tha: ‘Damiano ndiz mikrofonin’, një frazë e cila u dëgjua në zonën e çifteve të cilët e dinë banorin sikur ka dalë prej ditësh jashtë për shkak të penalizimit nga partnerja Donjeta e cila braktisi lojën.
Fotonia duket se e kuptoi dhe i tha Danielit, “Hajde flasim pak vetëm”. Kujtojmë që të dy e njohin Damianon që nga koha kur ishin në pjesën e shtëpisë me banorët single, aty ku ata u njohën dhe u çiftuan me partnerët respektivë. Ata u larguan duke lënë vetëm Lupçen dhe Katerinën me të cilët po flisnin më herët.
Ditën e shtunë, ‘Big Brother’ vendosi të fuste në televotim Damianon dhe publiku të vendoste nëse ai duhej të rifutej në shtëpi apo jo. Pas votimit, banori u fut sërish në shtëpinë e famshme, por sërish në zonën e banorëve single, të cilët ai i gënjeu duke i thënë se kishte qenë në izolim për ditë më radhë, i udhëzuar kështu nga produksioni. Vetëm se gafa nga produksioni , sapo rrezikoi gjithçka./xing.al
