Një kamerier në Los Angeles u befasua dhe u gëzua njëkohësisht, kur mori një këshillë nga një grup klientesh, një javë pasi ato kishin ngrënë në restorant.
Ai vendosi të ndante përvojën e tij në “Imgur”. Kamerieri i shërbeu një grupi vajzash 13-vjeçare. Për ta kjo ishte hera e parë që shkonin në restorant. Kur vajzat u larguan, kamerieri vuri re se ata kishin lënë vetëm 3.28 dollarë, shumë më pak se 16-20% i faturës, që lihet bakshish.
Megjithatë, kjo gjë kishte ndodhur me të shumë herë, kështu që ai nuk i dha rëndësi episodit. Por ajo që ai nuk e priste ishte se kjo përvojë do të kthehej në diçka të veçantë. Javën e ardhshme, vajzat u kthyen në restorant, por jo për të ngrënë. Në fakt, ata i lanë një letër kamerierit, e cila përmbante një dhuratë befasuese.
“Rreth një javë më parë, tre mikeshat e mia dhe unë erdhëm në restorant për të festuar një përvjetor. Ishte shumë e bukur për ne që të ishim vetëm në restorant, një gjë krejtësisht e re për ne”.
“Ju u treguat aq i dashur dhe i respektuar me ne, nuk na trajtove si vajza të vogla dhe madje u shqetësove për alergjitë tona! Doja t’ju falënderoja që na dhe kënaqësinë duke na trajtuar si ‘të rritura’.
Do të doja të të kërkoja falje në emër të mikeshave të mia. Meqenëse ishte gjë e re për ne, nuk dinim si të merreshim me faturën. Ajo ishte aq e arsyeshme dhe madje na ndihmoi ta ndanim mes nesh. Çmimi ishte i arsyeshëm, por harruam (dhe sinqerisht nuk e dinim) shumën e bakshishit, nuk e dinim se sa duhej të jepnim.
Ne zbrazëm xhepat dhe vendosëm të gjitha paratë tona në tavolinë, e gjithçka që kishim ishin 3.38 dollarë. Nuk e dinim se ishin aq pak, sidomos për punën tënde të vështirë. Më vonë e kuptuam gabimin tonë dhe u ndjemë shumë keq. E dinim se duhej të bënim diçka.
Pra, në zarf do të gjeni 18 përqindëshin dhe një shtesë, sepse gjithçka atë ditë ishte fantastike. E vlerësuam ndihmën dhe durimin tuaj dhe ne do të donim t’ju falënderonim që na mundësove të kalonim një mbrëmje të këndshme. Faleminderit!”.
Letra shoqërohej me 18% të faturës së asaj nate:
“Kam punuar kamerier për një kohë të gjatë, por kurrë nuk kam përjetuar një gjë të tillë. Nuk e di nga kush e keni mësuar, por e vlerësoj përpjekjen dhe mirësinë tuaj”, shkroi kamerieri i prekur në “Imgur”.
Burimi: Daily Mail
