Ekzistojnë shumë mjete dhe produkte kozmetike që premtojnë një lëkurë të butë pa qime, por këto të fundit varen jo vetëm nga tipi i lëkurës, por dhe nga zona ku aplikohet kremi i rrojës, xheli, dylli, strisha, brisku apo makina depiluese.
Ne ju sjellim metodën e depilimit më të përshtatshëm sipas pjesëve të trupit:
Bikinin
Mënyra më e mirë është prerja e qimeve, pra jo depilimi me rrënjë që realizohet përmes metodave të dhimbshme, si depilimi me dyllë. Femrat duhet t’i heqin qimet në këtë zonë me brisk apo një makinë prerëse, pasi kështu reduktohet dhe numri i qimeve të rritura nën lëkurë.
Sqetullat
Ashtu si lëkura e zonës intime dhe ajo nën krahë është shumë e hollë dhe e ndjeshme. Këtu ndodhen gjëndrat dhe nyjat limfatike ndaj nuk duhet të rrezikoni të përdorni metoda të dhimbshme. Dermatologët janë të mendimit se në këtë zonë duhet të përdorni vetëm brisk. Sigurohuni që lëkurën ta hidratoni mirë si para dhe pas depilimit.
Këmbët
Këmbët nuk fshehin asnjë sekret. Lëkura e kësaj zone është e prekur nga dielli, nuk është tejet delikate dhe është në dorën tuaj të zgjidhni cilën metodë preferoni. E rëndësishme është që pastrimi i qimeve, heqja e tyre duhet të bëhet në drejtimin e rritjes dhe nëse qimet ju rriten nën lëkurë.
Buza e sipërme
Për këtë pjesë të fytyrës është gjithnjë mirë të përdorni strishat e duhura ose dyllin.
