Ushqimi shijon më shumë nëse mënyra e servirjes kur shtroni tavolinën, është elegante, e rregullt dhe e kujdesshme. Por, shpesh disa detaje ekzagjerojnë pamjen ose nuk japin përshtypjen e duhur.
Tejmbushja e tavolinës
Evitoni çdo gjë të tepërt në tavolinë. Mjafton një set lugësh, pirunësh dhe thikash të shoqëruara me gotat përkatëse. Çdo gjë tjetër lëreni në funksion të ushqimit. Evitoni pjatat e tepërta, sidomos ku tavolina është e vogël.
Përshtatuni menusë
Çdo gjë duhet të jetë në funksion të asaj që keni gatuar. Mundohuni që në tavolinë të ketë elemente të asaj që keni përgatitur, p.sh. nëse keni gatuar prodhime deti, mundohuni të shtoni ndonjë detaj që të kujton detin.
Kujdes me qendrën e tavolinës
Mos vendosni lule të larta ose të ngarkuara. Kjo nuk do të ishte komode për të ftuarit, sepse do të kishin vështirësi në komunikimin me sy me njëri tjetrin.
Vendosni pecetën e duhur
Mos rrezikoni me një mbulesë të madhe dhe aspak të përshtatshme. Mbahuni tek thjeshtësia dhe lëreni ushqimin që keni gatuar të shkëlqejë.
Shto qirinj dhe lule
Kjo do e bënte mjedisin më familjar dhe më mikpritës për të shijuar një darkë mes miqsh. Por kujdes, çdo gjë me masë.
Burimi: Elle Decor
