Jeni në prag martese dhe festa e beqarisë tashmë është kthyer në një traditë. Për meshkujt ajo konsiderohet si mbrëmja e fundit e lirë, aq sa nuk do të donit të linit asgjë pa provuar.
Por bëni kujdes se si silleni dhe për më tepër me gjërat që bëni, sepse në fund të fundit nuk doni të hidhni poshtë dashurinë e jetës suaj për kënaqësinë e një nate. Që ajo mbrëmje të lerë mbresa të paharruara tek ju pa kaluar limitet, atëherë duhet të evitoni këto gjëra:
Mos shpenzoni shumë para
Edhe pse vështirë për të bërë një gjë të tillë, mundohuni që të mos harxhoni paratë vend e pa vend. Bëni një plan të qartë shpenzimesh dhe mundohuni t’i përmbaheni planit. Sepse vetëm pak ditë më pas, kujtohuni që do të shkundeni nga xhepat për ditën tuaj të madhe.
Mos flirtoni me dikë
Mos bëni gabimin më të madh të jetë suaj, të flirtoni dhe jo më të kryeni marrëdhënie me një tjetër femër. Jo vetëm që tradhtoni besimin e gruas suaj të ardhshme, por praktikisht ju nuk jeni gati për martesë, sepse nuk do të mundnit të qëndronit besnik gruas suaj për gjithë jetën.
Mos gënjeni të fejuarën
Tregojini asaj gjithë planin tuaj të mbrëmjes. Ju me siguri nuk keni diçka për të fshehur dhe kjo e bën marrëdhënien tuaj më të fortë. Nëse gënjeni dhe kjo gënjeshtër zbulohet më vonë, do t’i keni punët keq më vonë.
Burimi: MensHealth
