Ajo fitoi titullin Miss Bosnja-Hercegovina dhe u shfaq nga kopertina e “Playboy” pak vite më parë, ndërsa tani bosët e krimit janë të “çmendur” pas saj.
30-vjeçarja Slobodanka Tosiç, 30 vjeçe, konsiderohet si një “damë e zezë” apo një femër mizore. Pak kohë më parë, ajo u dënua me 2 vjet burg për shkak se i ngriti një kurth ish-të dashurit të saj, njëkohësisht rival i partnerit të saj aktual. Por më pas, ajo u arratis për në Serbi për t’i shpëtuar burgut.
Nëna e 30-vjeçares është shprehur tashmë se vajza e saj kurrë nuk do të dorëzohet. “Nuk ka asnjë mënyrë për që ajo të dorëzohet. Ajo nuk do të kthehet më në Bosnje, pasi nuk ka besim te drejtësia këtu”, është shprehur nëna e Slobodanka.
Djordje Zdrale, bos i botës boshnjake të krimit, kishte përfunduar në shënjestrën e të dashurit të ri të modeles, Darko Elez, edhe ky figurë e njohur e mafias lokale.
Gjithçka ndodhi në vitin 2006 dhe ajo që ndodhi ngjan me skenat e filmit “Kumbari”, por e spostuar në vendin ballkanas.
Slobodanka, e dyshuar se ka marrë pjesë në të paktën 5 vrasje të tjera dhe një seri grabitjesh milionere, kontaktoi ish-in e saj duke e tërhequr në grackë me premtimin për t’u pajtuar dhe ai, ende i dashuruar marrëzisht, pranoi ta takonte.
Zdrale niset për në vendin e takimit, por atje përveç modeles gjen edhe vrasësit e Elez. Këta të fundit hapin zjarr, por për shkak të rrethanave Zdrale arrin t’ia hedhë me disa plagë të lehta.
Zdrale dhe Elez
Burimi: Daily Mail
