Një situatë kaotike është krijuar te skadra e vazjave të Paris Saint-Germain. Futbollistja Aminata Diallo është arrestuar këtë të mërkurë nga Policia Rajonale e Versajës në kuadër të hetimeve për agresionin e rëndë të enjten e kaluar ndaj bashkëlojtares Kheira Hamraoui.
Kheira Hamraoui u sulmua nga dy persona me kapuç pasi kaloi një mbrëmje në restorantin Bois de Boulogne në Paris me shoqet e saj të skuadrës dhe mori disa goditje në këmbë me një shufër hekuri, gjë që bëri që futbollistja të dërgohej me urgjencë në spital. ku i janë bërë disa qepje në këmbë dhe duar.
Pas hetimeve u kuptua se Aminata Diallo ishte pjesëmarrëse në sulmin ndaj Kheira Hamraoui dhe u dorëzua në polici për të dhënë një deklaratë para gjykatës franceze, e cila duhet të përcaktojnë rolin e futbollistes në sulmin ndaj shoqes së saj të skuadrës.
Pasi mësoi për arrestimin e Aminata Diallo, Paris Saint-Germain publikoi një deklaratë ku konfirmoi se lojtarja ndodhet në komisariat dhe dënon me vendosmëri dhunën ndaj Kheira Hamraoui.
“Paris Saint-Germain merr parasysh arrestimin policor të Aminata Diallo këtë mëngjes nga Versailles SRPJ si pjesë e procedurave të hapura pas një sulmi të enjten e kaluar kundër lojtarëve të klubit. Paris Saint-Germain dënon ashpër dhunën e së enjtes të 4 nëntorit. Klubi ka marrë të gjitha masat e nevojshme për të garantuar shëndetin, mirëqenien dhe sigurinë e lojtarëve të tij. Paris Saint-Germain po punon me Versajën SRPJ për të hedhur dritë mbi ngjarjet. Klubi është i vëmendshëm për mbarëvajtjen e procedurës dhe do tëshohe me vëmendje ngjarjet në vazhdim”, thuhet në deklaratën e PSG-së për arrestimin e Aminata Diallo.
