Esgjan Alioski ka pasur një incident aspak të këndshëm ndërkohë që ishte në një restorant me familjen e tij në Prilep të Maqedonisë.
Futbollisti shqiptar që luan me Kombëtaren e Maqedonisë, tha se është nxjerrë jashtë restorantit vetëm sepse foli shqip me familjen e tij.
Ai u shpreh se nuk e fsheh asnjëherë origjinën e tij dhe se nuk ka koment për të këtë gjë absurde dhe raciste që i ndodhi:
“Jam vërtet i irrituar me atë që ndodhi në Prilep. Shikoni, unë luaj për ekipin e kombëtares së Maqedonisë. Vij nga Anglia për të luajtur me gëzim për këtë ekip dhe ja çka përjetoj këtu.
Derisa unë me të afërmit e mi kemi biseduar në gjuhën amtare, përndryshe unë nuk fsheh që jam shqiptar, një njeri erdhi dhe më tha të largohesha nga restoranti vetëm sepse dëgjoi gjuhën që komunikoja me familjen time. Unë me të vërtetë nuk kam koment, uroj që kjo mos t’i ndodhë askujt.” tha ai për “Klan Kosova”.
