Futbollisti i Kombëtares së Kosovës, Milot Rashica, po i jep fund beqarisë së tij këtë muaj me bukuroshen Belkiz Kera.
Siç e do tradita, nusja ka mbajtur festën e kanagjegjit, ku është mbledhur me miqtë dhe familjarët e saj.
Ajo ka shkëlqyer teksa ka ndërruar disa herë veshjet, ndërsa ne na është dukur fiks si një princeshë!
Beliz shfaqet me flokët e mbledhura dhe përveç fustaneve madhështorë e plot xixa, është veshur edhe me kostumin tradicional, me jelek dhe dimi.
Kujtojmë se Miloti dhe Belkiz janë fejuar që në vitin 2015 dhe pas katër vitesh fejesë, kanë vendosur të kurorëzohen me martesë.
Belkiz është një personazh i njohur për publikun, e cila që prej fillimeve të lidhjes me futbollistin, nisi të komentohej shpesh në media.
