Bernard Berisha, është bërë baba për herë të dytë pasi bashkëshortja e tij solli në jetë një djalë.
Ishte vetë ajo, e cila përmes disa fotografive të publikuara në Instagram ka dhënë lajmin e bukur. Hashime ka shfaqur momentet e para pas lindjes, ku çifti kanë marrë në krahë djalin e porsalindur dhe ka zbuluar emrin e veçantë që kanë zgjedhur, Ezan. Cifti janë prindër të një djali tjetër me emrin Diar.
“Mirë se na erdhe në jetë Ezan Berisha! Mami, babai dhe Diari të duam shumë”- ka shkruar ajo.
View this post on Instagram
Bernard Berisha është një futbollist profesionist kosovar i cili luan si anësor i majtë ose mesfushor sulmues për klubin rus ‘Akhmat Grozny’ dhe kombëtaren e Kosovës. Aktualisht ai është lojtar i lirë, për shkak se FIFA u ka dhënë leje lojtarëve që luajnë në Rusi dhe Ukrainë t’i shkëpusin kontratat me klubet e tyre përkatëse, për shkak të situatës së pushtimit rus në Ukrainë.
Në 2016 Berisha u bashkua me klubin rus ‘Anzhi Makhachkala’, në një kontratë 3.5-vjeçare për një tarifë prej 600.000 euro për Skënderbeun. Por brenda vitit më 26 dhjetor 2016, Berisha pranoi të bashkohet me skuadrën tjetër ruse, ‘Terek Grozny’ me një kontratë 3 vjet e gjysmë, atje ai do të luante përkrah futbollistëve ndërkombëtar shqiptarë, Bekim Balaj dhe Odise Roshi.
