Futbolli shqiptar në zi, ndërron jetë ish-futbollisti legjendar i Kosovës

Presidenti i Federatës së Futbollit të Kosovës, Fadil Vokrri, ka ndërruar jetë mëngjesin e sotëm në moshën 58-vjeçare, pas një ataku kardiak.

Fadil Vokrri ka qenë dhe një prej futbollistëve më të mirë të Kosovës dhe të ish-Jugosllavisë së atyre viteve. Prej shkurtit të vitit 2008 ai ishte zgjedhur president i Federatës së Futbollit të Kosovës.

Karriera e tij si futbollist nisi në vitin 1976 me skuadrën e Llapit, ekipi i qytetit të tij të lindjes Podujevës. Më pas në fillimin e viteve ’80 kaloi tek skuadra e Prishtinës, në ato vite pjesëmarrëse e kampionatit të ish-Jugosllavisë.

Lexo edhe :

E rëndë në Maliq/ Dy të miturit përleshen me thika në lokal, vdes 14-vjeçari

Tragjedi në Gjirokastër, pronari i hotelit bie nga tarraca dhe humb jetën

12:21 10/04/26

E rëndë në Gjermani/ Autobusi me qytetarë nga Kosova përplaset me kamionin, 30 të lënduar

Parashikimi i motit për ditën e sotme, si do të jenë temperaturat

08:03 10/04/26

Brenda 6 vitesh ai spikati në futbollin e atyre viteve dhe menjëherë u rekrutua nga skuadra më e madhe e ish-Jugosllavisë, si Partizani i Beogradit. Atje ai shënoi 18 gola në 55 ndeshje të zhvilluara për 3 vite që u aktivizua.

Karriera e tij më pas kaloi kufijtë duke shkuar në Francë tek Nimes, për të kaluar në fillimin e viteve 1990 tek Fenerbahce apo Burges sërish në Francë.

Nga viti 1984 deri në vitin 1987 Fadil Vokrri ka qenë edhe pjesë e kombëtares së Jugosllavisë, me të cilën zhvilloi 12 ndeshje dhe shënoi 6 gola.