Një aksident i rëndë automobilistik i ka marrë jetën Josef Sural, sulmuesit të Alanyaspor dhe përfaqësueses çeke.
Futbollisti ndodhej në një minibus së bashku me disa futbollistë të tjerë të ekipit Alanyaspor, të cilët po ktheheshin pas transfertës ndaj Kajserispor.
Po gjatë rrugës, minibusi u përfshi në një aksident fatal dhe Sural u dërgua menjëherë në spital ku iu nënshtrua një ndërhyrje kirurgjikale.
Fatkeqësisht ai nuk mundi t’u mbijetojë plagëve të marra, ndërsa 6 pjesëtarët e tjerë të ekipit pësuan dëmtime të lehta, por jashtë rrezikut për jetën.
28-vjeçari ishte një nga lojtarët më të rëndësishëm në përfaqësuesen çeke, teksa ka shënuar 18 gola.
