Katër muaj na ndajnë nga martesa e Princit Harry me Meghan Markle dhe nga Pallati Mbretëror kanë filluar të dalin detajet e parë të ceremonisë.
Pak kohë më parë dolën fotot e skicave të fustanit të saj të bardhë në ditën më të rëndësishme të jetës.
Stilisti Inbal Dror, i cili do të dizajnojë fustanin përrallor, publikoi skicat e para.
Ndërsa tani rikthehet në kujtesë fustani i saj në dasmën e parë.
Kujtojmë se aktorja kanadeze Meghan Markle u martua me Trevor Engelson, me të cilin u nda dy vite më pas.
Fustani i saj i bardhë është shumë i thjeshtë, duke iu përshtatur edhe organizimit në plazh.
Dhe besojmë se është shumë larg dizajnit të fustanit me të cilin do të shfaqet më 19 maj.
