Ishte një ditë me shumë aktivitete për William dhe Kate. Ata e nisën të premten me paradën e Ditës së St. Patrick në Londër, para se të merrnin një avion privat për në Paris, për të zhvilluar bisedime zyrtare lidhur me Brexit.
Dukesha e Kembrixhit shkëlqeu me tre veshje të ndryshme në kryeqytetin francez. Ajo e nisi ditën me një fustan-pallto jeshile nga Catherine Walker për takimin me presidentin francez.
Pak më vonë ajo ndryshoi paraqitje dhe stil, nga ai zyrtar në klasik, me fustanin e zi nga Alexander McQueen të kompletuar me perlat e mëdha dhe këpucët me takë, Gianvito Rossi. Kate u shfaq kështu kur ajo dhe William morën pjesë në vizitën zyrtare në Ambasadën britanike për të nisur festimin 1-vjeçar të marrëdhënieve Britani-Francë.
Çifti, i cili zhvilloi vizitën e parë zyrtare në qytet që pas vdekjes së Princeshë Diana-s, 20 vite më parë, përfunduan mbrëmjen në rezidencën e ambasadorit, ku ajo u shfaq me një fustan bojëqielli nga Jenny Packham.
Kate u sigurua që e gjithë vëmendja të ishte te ajo me veshjen e sofistikuar, nga ana tjetër William kërkoi që të largonte vëmendjen nga kërcimi i tij në klubin e natës. Ai u bëri të qartë të ftuarve se ishin mbledhur për të festuar:
“Marrëdhënia mes dy kombeve është e thellë – lidhjet e historisë, lidhjet e vlerave, lidhjet e miqësisë dhe të familjes. Dhe lidhjet e lindura me faktin se shtetet tanë janë fqinjë. Kjo miqësi mes Britanisë-Francës është një nga ato që do t’i rezistojë kohës. Do të vazhdojë pavarësisht vendimit për t’u larguar nga Bashkimi Evropian”, u shpreh Princi William.
Burimi: Daily Mail
